انا أول تجربة ليا فالشراء من الانترنت ديما كنت كنخاف حيت كنت كنقرا بزاف ديال الناس كيتقولبو كيشوفو قصور حاجة ومنين كيوصلهم المنتج كتوصلهم حاجة اخرى داك شي علاش مكنزعمش نشري من الانترنت .. ولكن قلت مع راسي ارا نجرب هاد المرة هي وفين خرجات
قلت نجري مع هاد العلامة التجارية ديال الأحذية حيت ديما كطلعلي فالانستغرام
وكنشوف ناس كيهضرو عليها بلي عندهم الجودة مزيانة ... اوا توكلت على الله ودرت كومند لهاد الحذاء لي ريفيرونص 0161 بعد 24 ساعة تاصل بيا الموزع وعطيتيو العنوان وحا عندي وقلت ليه واش مسموح نفتح ونشوف عاد نخلص حيت داروها معايا صحاب الشركة . قالي اه مرحبا فتحت فصراحة غير شفت الحذاء فرحت حيت غير من شوفة كيبان غزال وجودة عالية وخلصت الموزع وقلت ليه واش مسموح تعايني نطلع تقيسو فدار قالي اه مرحبا وطلعت قيستو جاني هو هذاك وزوين فلبسة ومريح
مهم انا كنصح لي بغات تشريه غير توكل على الله راه حذاء رائع وجودة عالية كيف الصورة كيف الواقع وجلد أصلي ماشي داك لمزور وحتى التعامل ديالهم زوين
شكرا وغنبقا زبونة وفية
